අභ්‍යවකාශ විද්‍යාඥයන් වසර තිහක් තිස්සේ සාමාන්‍ය ග්‍රහකයක් (Asteroid) ලෙස සලකපු ‘1998 SH2’ කියන වස්තුව ඇත්තටම වල්ගා තරුවක් (Comet) බව නාසා ආයතනය මෑතකදී අනාවරණය කරගත්තා. 1998 වසරේදී සොයාගත්ත මේ වස්තුව කිසිම විශේෂත්වයක් නැති ග්‍රහකයක් විදිහට තමයි මෙච්චර කල් හඳුනාගෙන තිබුණේ. නමුත් 2025 අගෝස්තු මාසයේදී පෘථිවියට ඉතා ආසන්නයෙන් ගමන් කරනකොට, මේ වස්තුවේ ගමන් මාර්ගයේ සිදුවන අසාමාන්‍ය වෙනස්කම් විද්‍යාඥයන්ගේ අවධානයට ලක්වුණා. පසුව සිදුකළ ගැඹුරු පර්යේෂණවලදී හෙළි වුණේ, මේ වස්තුවේ අයිස් දියවී වායු පිටවීම නිසා එය කුඩා තෙරපුම් බලයක් ඇති කරගෙන ගමන් මාර්ගය වෙනස් කරගන්නා බවයි.
මේ සොයාගැනීම පෘථිවියේ ආරක්ෂාව සම්බන්ධයෙන් ඉතාමත් වැදගත් වෙනවා. සාමාන්‍ය ග්‍රහකවලට වඩා වල්ගා තරු අභ්‍යවකාශයේදී හැසිරෙන්නේ වෙනස් විදිහකට. ඒවායේ මතුපිටින් පිටවන වායු නිසා ගමන් මාර්ගය වෙනස් වෙන්න පුළුවන්. ඒ නිසා අනාගතයේදී පෘථිවියට තර්ජනයක් විය හැකි වස්තූන් හඳුනාගැනීමේදී, මේ වගේ වල්ගා තරු නිවැරදිව හඳුනා ගැනීම අත්‍යවශ්‍යයි. මේ පර්යේෂණය මගින් අභ්‍යවකාශයේ තවමත් අපිට හඳුනාගන්න බැරි වුණු මෙවැනි වල්ගා තරු තවත් බොහෝමයක් තිබිය හැකි බවයි විද්‍යාඥයන් පවසන්නේ. මේ පිළිබඳව සම්පූර්ණ විස්තර ‘Nature Astronomy’ සඟරාව හරහා ප්‍රසිද්ධ කරලා තියෙනවා.
Discussion & Feedback