DC කොමික් ලෝකයේ රසිකයන්ට කම්පනයක් ඇති කරමින්, වසර 34ක් පුරා රසික ආදරය දිනාගත් ‘ටීන් ටයිටන්ස්’ (Teen Titans) කණ්ඩායමේ ප්‍රබල සාමාජිකාවක වන රෝස් විල්සන් හෙවත් ර‍ැවේජර් (Ravager) මියගොස් තිබෙනවා. ‘ඩෙත්ස්ට්‍රෝක් ද ටර්මිනේටර්’ (Deathstroke the Terminator) අංක 6 කලාපයේ දැක්වෙන පරිදි, ඇයව ඝාතනය කරන්නේ ඇගේ පියා වන ස්ලේඩ් විල්සන්ගේ හිටපු බිරිඳ වන ඇඩලින් කේන් විසින්. මෙය ස්ලේඩ් විල්සන්ගෙන් පළිගැනීමේ අරමුණින් සිදුකළ ක්‍රියාවක් බවයි වාර්තා වෙන්නේ. රෝස්ගේ මරණය රසිකයන්ට විශාල කම්පනයක් වුණත්, කොමික් ලෝකයේ චරිත නැවත පණ ලැබීම සාමාන්‍ය දෙයක් නිසා ඇය ඉදිරියේදී නැවත පැමිණේවිද යන්න ගැන තවමත් කුතුහලයක් පවතිනවා.
1992 වසරේදී මුල්වරට හඳුන්වා දුන් රෝස් විල්සන්, මුලින් විරුද්ධවාදියෙක් ලෙස පෙනී සිටියත් පසුව ටීන් ටයිටන්ස් කණ්ඩායමේ වීරවරියක් ලෙස විශාල ජනප්‍රියත්වයක් ලබාගත්තා. ඇය සතු සුවිශේෂී හැකියාවන් සහ ඇගේ අඳුරු අතීතය නිසා ඇය රසිකයන් අතර ඉතාම කැපී පෙනෙන චරිතයක් වුණා. මේ වන විට ඇඩලින් කේන් විසින් ඩෙත්ස්ට්‍රෝක්ගේ භූමිකාවද තමන් සතු කරගෙන තිබෙන අතර, ඇය ස්ලේඩ් සමඟ ටෙලිපති මාර්ගයෙන් සම්බන්ධ වීමටද උත්සාහ කරනවා. කොමික් ලෝලීන් මේ සිදුවීම දෙස ඉතා උනන්දුවෙන් බලා සිටින අතර, අගෝස්තු 19 වැනිදා නිකුත් වීමට නියමිත මෙම නවතම කලාපය හරහා රෝස්ගේ ඉරණම පිළිබඳව තවත් බොහෝ තොරතුරු දැනගන්න පුළුවන් වේවි.
Discussion & Feedback