අද දවසේදී දිවයිනේ ප්රදේශ කිහිපයකට මිලිමීටර් 50 ඉක්මවූ තද වැසි ඇති වෙන්න පුළුවන් කියලා කාලගුණ විද්යා දෙපාර්තමේන්තුව අනතුරු අඟවනවා. විශේෂයෙන්ම බස්නාහිර, සබරගමුව සහ වයඹ පළාත්වලත්, මහනුවර, නුවරඑළිය, ගාල්ල සහ මාතර දිස්ත්රික්කවලත් විටින් විට වැසි ඇති වෙන්න පුළුවන්. මේ අතරින් බස්නාහිර සහ සබරගමුව පළාත්වලත්, මහනුවර සහ නුවරඑළිය දිස්ත්රික්කවලත් ඇතැම් ස්ථානවලට මිලිමීටර් 50ට වැඩි තද වැසි ඇති වීමේ හැකියාවක් තියෙනවා. දිවයිනේ සෙසු ප්රදේශවල බොහෝ දුරට වියළි කාලගුණයක් පවතින බවයි වාර්තා වෙන්නේ.
ඒ වගේම උතුරු, උතුරු-මැද, වයඹ සහ මධ්යම පළාත්වලත් රත්නපුර, මොණරාගල, හම්බන්තොට සහ ත්රිකුණාමලය දිස්ත්රික්කවලත් පැයට කිලෝමීටර් 40ත් 50ත් අතර වේගයකින් තද සුළං ඇති වෙන්න පුළුවන්. මුහුදු ප්රදේශ ගැන කියනවා නම්, හම්බන්තොට සිට පොතුවිල් දක්වා සහ කල්පිටිය සිට මන්නාරම හරහා මුලතිව් දක්වා මුහුදු ප්රදේශ විටින් විට රළු වෙන්න පුළුවන්. ඒ වගේම කල්පිටිය සිට කොළඹ, ගාල්ල හරහා පොතුවිල් දක්වා මුහුදු ප්රදේශවල රළ උස මීටර් 2.0ත් 2.5ත් අතර ඉහළ යන්න ඉඩ තියෙනවා. ඒ නිසා ධීවර සහ නාවික ප්රජාව මේ ගැන ගොඩක් සැලකිලිමත් වෙන්න ඕනේ.

Discussion & Feedback