අද අලුයම ස්පේස් එක්ස් (SpaceX) සමාගමට අයත් ෆැල්කන් 9 රොකට්ටුවක ඉහළ කොටස සඳ මතුපිට ගැටී තිබෙනවා. ශබ්දයේ වේගය මෙන් හත් ගුණයක් වූ අධික වේගයකින් මෙම රොකට් කොටස සඳ මත කඩා වැටී ඇති අතර, මේ නිසා සඳ මතුපිට අඩි 89ක් පමණ විශාල ආවාටයක් නිර්මාණය වන්නට ඇති බවයි විද්‍යාඥයන් ගණන් බලා තිබෙන්නේ. සාමාන්‍යයෙන් මෙවැනි රොකට් කොටස් පෘථිවි වායුගෝලයට ඇතුළු වී දැවී යනවා. නමුත් මෙවර මෙම රොකට්ටුව සඳ දෙසට ගමන් කරන ඉහළ කක්ෂයකට ගොස් තිබූ නිසා එය නැවත පෘථිවියට ගෙන්වා ගැනීමට නොහැකි වී තිබෙනවා. අවසානයේ සූර්ය ක්‍රියාකාරකම් සහ ගුරුත්වාකර්ෂණ බලපෑම් නිසා එය සඳ දෙසට ඇදී ගොස් මෙලෙස කඩා වැටුණා.
දැන් නාසා ආයතනය ඇතුළු විද්‍යාඥයන් උත්සාහ කරන්නේ මෙම ගැටුමෙන් පසු සඳ මතුපිට සිදුවී ඇති වෙනස්කම් නිරීක්ෂණය කිරීමටයි. ඒ සඳහා නාසා ආයතනයේ චන්ද්‍ර කක්ෂගත යානා සහ කොරියාවේ චන්ද්‍ර ගවේෂණ යානාවල ඇති කැමරා භාවිතා කිරීමට ඔවුන් සැලසුම් කර තිබෙනවා. මෙම ගැටුමෙන් ලැබෙන දත්ත මගින් අනාගතයේදී සඳ මත සිදුවන මෙවැනි කෘතිම ගැටුම්වල බලපෑම් ගැන හොඳින් තේරුම් ගැනීමට විද්‍යාඥයන්ට හැකි වේවි. කෙසේ වෙතත්, සඳේ හිරු එළිය වැටෙන පැත්තේ මෙම ගැටුම සිදුවූ නිසා පෘථිවියේ සිට දුරේක්ෂ මගින් එය නිරීක්ෂණය කිරීම තරමක් අපහසු බවයි වාර්තා වෙන්නේ.
Discussion & Feedback