ජනප්‍රිය ‘රින්ග්ස් ඔෆ් පවර්’ කතා මාලාවේ එල්රොන්ඩ් ලෙස අපට හුරුපුරුදු රොබට් අරමයෝ, එහි තුන්වන කතා මාලාවේදී තවත් විශේෂ චරිතයකට පණ පොවන්න සූදානම් වෙනවා. ඒ අනුව ඔහු එල්රොන්ඩ්ගේ නිවුන් සහෝදරයා වන එල්රොස්ගේ චරිතයත් රඟපාන බවයි නිල වශයෙන් ප්‍රකාශ වෙලා තියෙන්නේ. මීට පෙර නියුමිනෝර් රාජධානියේ චිත්‍රයකින් පමණක් අපට දැකගන්න ලැබුණු එල්රොස්ව, මෙවර සැබෑ ලෙසම තිරය මත දැකගන්න ලැබීම රසිකයන්ට ලොකු කුතුහලයක් ගෙන දෙන කාරණයක් වෙලා තියෙනවා.
ටෝල්කීන්ගේ කතා ලෝකයට අනුව එල්රොන්ඩ් සහ එල්රොස් කියන්නේ අමරණීයත්වය සහ මනුෂ්‍ය ජීවිතය අතරින් වෙනස් තීරණ දෙකක් ගත් සහෝදරයන් දෙදෙනෙක්. එල්රොස් මනුෂ්‍යයෙක් ලෙස ජීවිතය තෝරාගෙන නියුමිනෝර් රාජධානිය පිහිටුවූ ආකාරය සහ ඔහුගේ පවුලේ පසුබිම ගැන තුන්වන කතා මාලාවේදී අපට දැකගන්න පුළුවන් වෙයි. විශේෂයෙන්ම අරගොන් වැනි චරිතවල මුතුන් මිත්තන් ගැනත් මෙහිදී කරුණු අනාවරණය වෙනවා. මේ වෙනස්කම නිසාම තුන්වන කතා මාලාව වඩාත් ආකර්ෂණීය එකක් වේවි කියලා තමයි බොහෝ දෙනා විශ්වාස කරන්නේ.
පළමු යුගයේ සිදුවීම් සහ සිල්මරීල්ස් වැනි සංකීර්ණ කතා පුවත් තිරයට ගෙන ඒම අභියෝගාත්මක වුණත්, රොබට් අරමයෝගේ රංගනයත් එක්ක මේ නව වෙනස ඉතාම සාර්ථක වේවි කියලා බලාපොරොත්තු වෙන්න පුළුවන්. එල්රොන්ඩ් සහ එල්රොස් ලෙස එකම නළුවෙක් ද්විත්ව චරිත නිරූපණය කිරීමෙන් කතාවේ ගැඹුර තවත් වැඩි වෙනවා. ඉදිරියේදී විකාශය වීමට නියමිත මේ කතා මාලාව රසිකයන්ට අලුත්ම අත්දැකීමක් ලබා දෙනු නොඅනුමානයි.
Discussion & Feedback