මේ දවස්වල යතුරුපැදිවලට තියෙන ඉල්ලුම වැඩි නිසා, හෙට්ටිපොළ ප්රදේශයේ ඇතැම් වෙළෙඳුන් අනුමත මිලට වඩා වැඩි මිලකට යතුරුපැදි අලෙවි කරන බවට පාරිභෝගික කටයුතු පිළිබඳ අධිකාරියට තොරතුරු ලැබිලා තිබුණා. ඒ අනුව පසුගිය ජූලි 27 වැනිදා සිදුකළ විශේෂ වැටලීම්වලදී, නියමිත මිල ප්රදර්ශනය නොකිරීම සහ අනුමත මිලට වඩා වැඩි මුදලකට යතුරුපැදි අලෙවි කිරීම සම්බන්ධයෙන් වෙළෙඳසැල් තුනකට එරෙහිව නීතිමය පියවර ගත්තා. විශේෂයෙන්ම සමහර අය වෙනත් පුද්ගලයන්ගේ නම් පාවිච්චි කරලා යතුරුපැදි ලබාගෙන, පසුව ඒවා වැඩි මිලට නැවත විකුණන බවත් මෙහිදී අනාවරණය වුණා.
මේ වැටලීම්වලින් පස්සේ හෙට්ටිපොළ මහේස්ත්රාත් අධිකරණයේදී නඩු පැවරීමෙන් අනතුරුව, අදාළ වෙළෙඳසැල්වලට දඩ නියම වුණා. මල්ජී ඔටෝ සිටි සහ ප්රදීප් මෝටර්ස් යන ආයතනවලට රුපියල් 10,000 බැගින් ද, ලකී එන්ටර්ප්රයිසස් ආයතනයට රුපියල් 5,000ක දඩයක් ද නියම වුණා. අනුමත බෙදාහරින්නා විසින් නියම කරපු මිලට වඩා රුපියල් 60,000ක් වැනි විශාල මුදලක් වැඩිපුර අය කර තිබීම මෙහිදී විශේෂයෙන්ම කැපී පෙනුණා.
පාරිභෝගික කටයුතු පිළිබඳ අධිකාරිය පවසන්නේ යතුරුපැදියක් මිලදී ගන්න කලින් අනිවාර්යයෙන්ම එහි නිවැරදි මිල පරීක්ෂා කර බලන්න කියලයි. මොනවා හරි අසාධාරණයක් සිද්ධ වෙනවා නම් හෝ මිල ප්රදර්ශනය කරලා නැත්නම්, ඒ ගැන වහාම පාරිභෝගික කටයුතු පිළිබඳ අධිකාරියේ 1977 ක්ෂණික ඇමතුම් අංකයට කතා කරලා පැමිණිලි කරන්න පුළුවන්. පාරිභෝගිකයන් විදිහට මේ වගේ වංචනික ක්රියාවලට අහුවෙන්නේ නැතුව කල්පනාවෙන් ඉන්න එක ගොඩක් වැදගත්.

Discussion & Feedback