අපේ සෞරග්රහ මණ්ඩලයේ සූර්යයාට ආසන්නතම ග්රහලොව වන බුධ ග්රහයා වෙත යැවූ ‘බෙපිකොලොම්බෝ’ (BepiColombo) අභ්යවකාශ යානය මේ වන විට එහි ගමනාන්තය කරා ළඟා වෙමින් පවතිනවා. යුරෝපීය අභ්යවකාශ ඒජන්සිය සහ ජපාන අභ්යවකාශ ගවේෂණ ඒජන්සිය එක්ව දියත් කළ මෙම මෙහෙයුම, 2018 වසරේදී අභ්යවකාශ ගත කළ අතර, වසර ගණනාවක දීර්ඝ ගමනකින් පසුව දැන් එය ඉතාමත් වැදගත් අදියරකට පැමිණ තිබෙනවා. මෙම මෙහෙයුමට අයත් යානා දෙකක්, එනම් යුරෝපයේ මර්කරි ප්ලැනටරි ඕබිටර් (MPO) සහ ජපානයේ මර්කරි මැග්නටොස්පෙරික් ඕබිටර් (Mio) යන යානා, ඒවායේ ප්රධාන ප්රවාහන මොඩියුලයෙන් වෙන් කිරීමේ කටයුතු මේ දිනවල සිදුවෙනවා.
මෙම වෙන්වීමත් සමඟ බුධ ග්රහයාගේ ගුරුත්වාකර්ෂණය මගින් යානා දෙක තමන්ගේ කක්ෂ වෙත ඇදගැනීමේ ක්රියාවලිය ආරම්භ වන අතර, එය නොවැම්බර් 21 වැනිදා වන විට සම්පූර්ණ වීමට නියමිතයි. ඉන්පසුව, 2027 වසරේදී මෙම යානා දෙක තම අවසන් කක්ෂයන් වෙත ළඟා වී බුධ ග්රහයා පිළිබඳ විද්යාත්මක ගවේෂණ ආරම්භ කරනවා. බුධ ග්රහයාගේ අභ්යන්තර ස්වභාවය, චුම්භක ක්ෂේත්රය සහ ඛනිජ සංයුතිය වැනි මෙතෙක් හෙළි නොවූ රහස් රැසක් සොයා ගැනීමට මෙම මෙහෙයුම මගින් හැකි වේවි. සෞරග්රහ මණ්ඩලයේ අඩුම ගවේෂණයක් සිදුවී ඇති මෙම ග්රහලොව ගැන අලුත්ම තොරතුරු දැනගන්නට ලෝකවාසී විද්යා ලෝලීන් මේ වන විටත් දැඩි උනන්දුවකින් පසුවෙනවා.

Discussion & Feedback