අභ්යවකාශ විද්යාඥයන් විසින් අපේ සෞරග්රහ මණ්ඩලයේ අඟහරු සහ බ්රහස්පති ග්රහලෝක අතර පිහිටි ග්රහක පටියේ අතිශය අසාමාන්ය ග්රහකයක් සොයාගෙන තියෙනවා. ’44 Nysa’ ලෙස නම් කර ඇති මෙම ග්රහකය, කොටස් තුනකින් සමන්විත ත්රිත්ව ග්රහකයක් බවයි නවතම නිරීක්ෂණවලින් තහවුරු වෙලා තියෙන්නේ. මීට පෙර විද්යාඥයන් හිතාගෙන හිටියේ මේක කොටස් දෙකකින් යුත් ග්රහකයක් කියලයි, නමුත් ඇමරිකාවේ සහ චිලී රාජ්යයේ පිහිටි බලවත් දුරේක්ෂවලින් ලබාගත් පැහැදිලි ඡායාරූපවලින් මේකේ කොටස් තුනක් තියෙන බව දැන් පැහැදිලිවම දකින්න පුළුවන්. මේ වගේ ව්යුහයක් සහිත ග්රහකයක් අභ්යවකාශයේදී හමුවූ පළමු අවස්ථාව මෙය වීම විශේෂත්වයක්.
මේ ග්රහකයේ තියෙන තවත් පුදුම හිතෙන දෙයක් තමයි, එය වටා පරිභ්රමණය වන කුඩා සඳක් සොයාගැනීම. කිලෝමීටරයක් පමණ විශාල මෙම කුඩා සඳට ‘S/2026 (44) 1’ ලෙස නම් තබා තිබෙනවා. අතිශය දියුණු තාක්ෂණික උපකරණ සහ විශේෂිත රූප සැකසුම් ක්රමවේද භාවිත කරමින් තමයි විද්යාඥයන්ට මේ කුඩා සඳ සහ ග්රහකයේ සැබෑ ස්වරූපය හෙළි කරගන්න පුළුවන් වුණේ. ග්රහකයේ තියෙන අධික දීප්තිය නිසා මේ සඳව දකින්න හරිම අමාරු වුණත්, නවීන තාක්ෂණයෙන් ඒ බාධාව ජයගන්න ඔවුන් සමත් වුණා. මේ ග්රහකය ඇත්තටම එකිනෙක හා සම්බන්ධ වූ කොටස් තුනකින් සෑදුණු එකක්ද නැත්නම් වෙනත් අමුතුම ආකාරයකින් නිර්මාණය වූවක්ද යන්න ගැන තවදුරටත් පර්යේෂණ සිදුවෙමින් පවතිනවා. කොහොම වුණත්, මේ සොයාගැනීම අභ්යවකාශ ගවේෂණ ඉතිහාසයේ තවත් සුවිශේෂී සන්ධිස්ථානයක් විදිහට හඳුන්වන්න පුළුවන්.

Discussion & Feedback