අභ්යවකාශ විද්යාඥයන් විසින් අඟහරු සහ බ්රහස්පති ග්රහලෝක අතර පිහිටි ග්රහක පටියේ ඉතාමත් අපූරු සොයාගැනීමක් කරලා තියෙනවා. ඒ තමයි ’44 Nysa’ නමින් හැඳින්වෙන, කොටස් තුනකින් සමන්විත අමුතුම හැඩයක් තියෙන ග්රහකයක්. 1857 වසරේදී මුලින්ම සොයාගත්තත්, ඒ කාලේ මේක පෙනුණේ අහසේ තියෙන පුංචි ආලෝක තිතක් විදිහට විතරයි. හැබැයි දැන් ඇමරිකාවේ සහ චිලී රටේ තියෙන බලවත් දුරේක්ෂ යොදාගෙන කරපු නවතම නිරීක්ෂණවලින් මේ ග්රහකය කොටස් තුනක් එකතු වෙලා හැදුණු එකක් බව තහවුරු කරගෙන තියෙනවා. මේ වගේ ත්රිත්ව හැඩයක් තියෙන ග්රහකයක් අභ්යවකාශයේදී හමුවුණු පළමු අවස්ථාව මෙයයි.
මේ ග්රහකයේ තියෙන විශේෂත්වය එපමණකින් නතර වෙන්නේ නැහැ. විද්යාඥයන්ට මේ ග්රහකය වටා කක්ෂගත වෙමින් පවතින කිලෝමීටරයක් පමණ විශාල කුඩා සඳක් දකින්නත් ලැබිලා තියෙනවා. මේ සඳට දැනට ‘S/2026 (44) 1’ කියලා නම දීලා තියෙනවා. අති නවීන තාක්ෂණය සහ විශේෂ රූප සැකසුම් ක්රමවේද භාවිතා කරලා තමයි ග්රහකයේ දීප්තිය මැදින් මේ කුඩා සඳව සොයාගන්න පුළුවන් වුණේ. ග්රීක මිථ්යා කතාවල එන දියෝනිසස් දෙවියන් හැදුණු දේශයේ නමින් නම් කරපු මේ ‘Nysa’ ග්රහකය ඇත්තටම හැදුණේ කොහොමද කියන එක ගැන තවමත් පර්යේෂණ සිදුවෙනවා. කොහොම වුණත්, මේ සොයාගැනීම අභ්යවකාශ ගවේෂණ ඉතිහාසයේ ඉතාමත් වැදගත් සන්ධිස්ථානයක් විදිහට විද්යාඥයන් සලකනවා.

Discussion & Feedback