ඊශ්රායලයේ ඉදිකිරීම් ක්ෂේත්රයේ රැකියා අවස්ථා දිනාගත් ශ්රී ලාංකික ශ්රමිකයන් 133 දෙනෙකු හෙට (සැප්තැම්බර් 23) දිනයේදී එරට බලා පිටත්ව යාමට නියමිතයි. ශ්රී ලංකා විදේශ සේවා නියුක්ති කාර්යාංශය විසින් මේ පිළිබඳව නිල වශයෙන් තහවුරු කර තිබෙනවා. විදේශ රැකියා සඳහා යොමුවන ශ්රමිකයන්ගේ සුබසාධනය සහ ඔවුන්ගේ ඉදිරි කටයුතු සම්බන්ධයෙන් කාර්යාංශය විශේෂ අවධානයක් යොමු කර ඇති බවයි වාර්තා වෙන්නේ.
මෙම පිරිසට අදාළ ගුවන් ටිකට්පත් බෙදා දීම සහ ඔවුන් දැනුවත් කිරීමේ විශේෂ වැඩසටහනක් පසුගිය සැප්තැම්බර් 14 වැනිදා විදේශ සේවා නියුක්ති කාර්යාංශයේ ප්රධාන කාර්යාලයේදී පැවැත්වුණා. කාර්යාංශයේ සභාපති කෝෂල වික්රමසිංහ මහතාගේ ප්රධානත්වයෙන් පැවති මෙම අවස්ථාවේදී, ඉදිකිරීම් ක්ෂේත්රයට තෝරාගත් 133 දෙනාට අමතරව යටිතල පහසුකම් සංවර්ධන ක්ෂේත්රයට තෝරාගත් තවත් ශ්රමිකයන් 17 දෙනෙකුටද ගුවන් ටිකට්පත් පිරිනැමීම සිදු වුණා.
විදේශ රැකියා සඳහා පිටත්ව යන ශ්රමිකයන්ට තම වෘත්තීය ජීවිතය සාර්ථක කර ගැනීමට අවශ්ය මගපෙන්වීම් සහ උපදෙස් මෙම දැනුවත් කිරීමේ වැඩසටහන හරහා ලබා දී තිබෙනවා. ඉදිරියේදීත් මෙවැනි රැකියා අවස්ථා තවත් ශ්රී ලාංකිකයන්ට ලබා දීමට කාර්යාංශය කටයුතු කරමින් සිටින අතර, විදේශගත වන ශ්රමිකයන්ට සියලුම සුබ පැතුම් එක් කිරීමට අප කටයුතු කරනවා.

Discussion & Feedback