ලොව පුරා රසිකයන් අතර ජනප්‍රිය වුණු ‘රීචර්’ (Reacher) කතා මාලාවේ අලුත්ම ස්පින්-ඕෆ් එක විදිහට ‘නීග්ලි’ (Neagley) කතා මාලාව එළිදැක්වීමට ප්‍රයිම් වීඩියෝ ආයතනය මේ වන විට කටයුතු සූදානම් කරලා තියෙනවා. මේ කතා මාලාවේ ප්‍රධාන චරිතය වන ෆ්‍රැන්සස් නීග්ලි ලෙස මාරියා ස්ටෙන් රංගනයෙන් දායක වෙනවා. ඇය තමන්ගේ සමීපතම මිතුරෙකුගේ අභිරහස් මරණය ගැන සොයා බැලීමට ගොස් භයානක කල්ලියකට එරෙහිව සටන් වදින ආකාරය මේ අලුත්ම ට්‍රේලරයෙන් දැකගන්න පුළුවන්. ජැක් රීචර්ගේ හිටපු සහායිකාවක් විදිහට ඇය තමන්ගේ සටන් කුසලතා සහ බුද්ධිය පාවිච්චි කරමින් යුක්තිය ඉටු කරන්න උත්සාහ කරන හැටි හරිම කුතුහලයෙන් යුතුව බලාගන්න පුළුවන්.
මේ කතා මාලාවේ විශේෂම දේ තමයි ජැක් රීචර්ගේ චරිතයට පණ පොවන ඇලන් රිච්සන් ද මේ සඳහා අමුත්තෙක් විදිහට සම්බන්ධ වීම. නීග්ලි සහ රීචර් අතර තියෙන ඒ බැඳීම සහ ඔවුන් එකිනෙකාට උදව් කරගන්නා ආකාරය රසිකයන්ට අලුත් අත්දැකීමක් වේවි. නීක් සැන්ටෝරා සහ නිකලස් වූටන් විසින් නිර්මාණය කරන ලද මේ කතා මාලාවට ග්‍රේස්ටන් හෝල්ට්, ඇඩලින් රුඩොල්ෆ් වැනි තවත් දක්ෂ නළු නිළියන් පිරිසක් එකතු වෙලා ඉන්නවා. සැප්තැම්බර් 16 වැනිදා රීචර් සිව්වැනි කතා මාලාවේ අවසාන කොටස විකාශය වීමෙන් පසුව, මේ අලුත්ම කතා මාලාව සියලුම කොටස් එකවර ප්‍රේක්ෂකයන්ට නැරඹීමේ අවස්ථාව හිමි වෙනවා. ක්‍රියාදාම සහ අභිරහස් පිරුණු මේ කතා මාලාව ගැන රසිකයන් ලොකු බලාපොරොත්තුවකින් ඉන්නවා.
Discussion & Feedback