භීෂණ කතා කලාවේ අති දක්ෂ ලේඛකයෙක් වන ස්ටීවන් කිංගේ පළමු නවකතාව වුණු ‘කැරී’ ගැන ඔයාලා අහලා ඇතිනේ. දශක පහකට වැඩි කාලයක් තිස්සේ මේ කතාවේ එන කැරීගේ අම්මා, මාග්‍රට් වයිට් කියන්නේ හරිම දරුණු, ආගමික අන්තවාදී චරිතයක් විදියටයි අපි හැමෝම දැකලා තියෙන්නේ. හැබැයි දැන් ප්‍රයිම් වීඩියෝ හරහා එන්න තියෙන අලුත්ම ‘කැරී’ කතා මාලාවේදී මේ චරිතය සම්පූර්ණයෙන්ම වෙනස් විදියකට අපිට දකින්න ලැබෙනවා. මේ අලුත් නිර්මාණය කරන්නේ මයික් ෆ්ලැනගන් විසින්. ඔහු කියන විදියට මේක පරණ කතාවේ තවත් එක පිටපතක් නෙවෙයි, ඒ වෙනුවට මුල් කතාවේ තිබුණු දේවල් අලුත් විදියකට ගොඩනගපු නිර්මාණයක්.
මේ කතා මාලාවේ මාග්‍රට් වයිට්ගේ චරිතයට පණ පොවන සමන්තා ස්ලෝයන් කියන විදියට, මේ අලුත් මාග්‍රට් මුලින්ම තමන්ගේ දුවට ගොඩක් ආදරය කරන, දුවව ආරක්ෂා කරන්න හිතන අම්මා කෙනෙක්. හැබැයි කතාව ඉදිරියට යද්දී විවිධ සිදුවීම් නිසා ඒ ආදරය කොහොමද විකෘති වෙන්නේ, කොහොමද ඇය අර අපි දන්නා දරුණු මාග්‍රට් බවට පත් වෙන්නේ කියන එක තමයි මේ කතාවේ ලස්සනම හරිය. ආදරය කොහොමද භීෂණයක් බවට පත් වෙන්නේ කියන තේමාව මෙතනදී මනාව පෙන්නුම් කරනවා. 2026 ඔක්තෝබර් මාසයේදී ප්‍රයිම් වීඩියෝ හරහා මේ අලුත් අත්දැකීම ඔයාලට බලාගන්න පුළුවන්.
Discussion & Feedback