මෑතකදී පැවැත්වුණු 2026 BET සම්මාන උළෙලේදී ‘මයිකල්’ චිත්‍රපටයේ ප්‍රධාන නළු නිළියන් වන ජාෆාර් ජැක්සන් සහ නියා ලොන්ග් වේදිකාවට ගොඩවුණේ ප්‍රේක්ෂකයන්ගේ දැඩි ආදරය මැදයි. එහිදී ජාෆාර් තමන්ගේ මාමා වන මයිකල් ජැක්සන්ගේ චරිතයට පණ පෙවීම ගැනත්, චිත්‍රපටයට ලැබුණු අතිවිශාල ප්‍රතිචාර ගැනත් ඉතාමත් නිහතමානීව අදහස් දැක්වුවා. විශේෂයෙන්ම ජැක්සන් පවුල වෙනුවෙන් රසිකයන් දක්වන මේ සහයෝගය තමන්ට ගොඩක් වටිනා බව ඔහු එහිදී සඳහන් කළා.
මේ අතර, මයිකල්ගේ මව වන කැතරින් ජැක්සන්ගේ චරිතයට පණ පෙවූ නියා ලොන්ග්, ජාෆාර්ගේ රංගනය ගැන ඉතා ඉහළින් අගය කළා. “ඔයා හරියටම ඔයාගේ මාමා වගේම රඟපානවා දකිද්දී මට දැනුණේ පුදුම සතුටක්” කියලා ඇය ජාෆාර්ට ප්‍රශංසා කළා. ඇත්තටම මේ චිත්‍රපටය මේ වෙද්දී ඉතිහාසගත වෙමින් ලෝකයේ වැඩිම ආදායමක් ලැබූ චරිතාපදාන චිත්‍රපටය බවට පත්වෙලා තියෙනවා. ඇන්ට්වන් ෆුකුවාගේ අධ්‍යක්ෂණයෙන් හැඩවුණු මේ නිර්මාණය ඩොලර් මිලියන 977කට වඩා වැඩි ආදායමක් උපයා ගනිමින් ‘ඕපන්හයිමර්’ චිත්‍රපටයේ වාර්තාවත් බිඳ දමන්න සමත් වුණා.
මෙම සම්මාන උළෙලේදී හොඳම පිරිමි R&B/පොප් කලාකරුවාට හිමි සම්මානය පිරිනැමුවේත් ජාෆාර් සහ නියා විසින්. කොල්මන් ඩොමින්ගෝ, මයිල්ස් ටෙලර් වැනි ප්‍රවීණ නළු නිළියන් රැසක් රංගනයෙන් දායක වන මේ චිත්‍රපටය මේ වන විටත් ලොව පුරා සිනමාහල්වල සාර්ථකව තිරගත වෙනවා. ජාෆාර්ගේ මේ විශිෂ්ට රංගනය ඉදිරියේදී තවත් බොහෝ සම්මාන උළෙලවලදී කතාබහට ලක්වනු නොඅනුමානයි.
Discussion & Feedback