ලෝක ප්‍රසිද්ධ අධ්‍යක්ෂක ගිලර්මෝ ඩෙල් ටෝරෝගේ ඔස්කාර් සම්මාන සඳහා නිර්දේශ වුණු ‘ෆ්‍රැන්කන්ස්ටයින්’ (2025) චිත්‍රපටය රසිකයන්ට තවත් විශේෂ අත්දැකීමක් එක් කරමින් 4K බ්ලූ-රේ, බ්ලූ-රේ සහ DVD මාධ්‍ය ඔස්සේ නිකුත් කිරීමට නියමිතයි. ද ක්‍රයිටීරියන් කලෙක්ෂන් (The Criterion Collection) ආයතනය විසින් මෙම චිත්‍රපටය 2026 ඔක්තෝබර් 27 වැනිදා වෙළඳපොළට නිකුත් කිරීමට කටයුතු සූදානම් කර තිබෙනවා. මේකෙ තියෙන විශේෂම දේ තමයි, මීට පෙර නොදුටු දර්ශන ඇතුළත් කරමින් මිනිත්තු 158ක කාලයක් පුරා දිවෙන ‘ෆ්‍රැන්කන්ස්ටයින්: ද රිබෝන් කට්’ (Frankenstein: The Reborn Cut) නමින් අධ්‍යක්ෂකවරයාගේ විශේෂිත දීර්ඝ කළ සංස්කරණය මෙයට ඇතුළත් කර තිබීම.
චිත්‍රපටයේ ගුණාත්මකභාවය ගැන කතා කරනවා නම්, 4K බ්ලූ-රේ සංස්කරණය තුළ Dolby Vision සහ HDR10 තාක්ෂණයෙන් යුත් දර්ශන මෙන්ම Dolby Atmos ශබ්ද පද්ධතියත් අන්තර්ගතයි. ඒ වගේම චිත්‍රපටය සමඟ අමතර විශේෂාංග රැසක් ද රසිකයන්ට බලාගන්න පුළුවන්. මේ චිත්‍රපට පැකේජයන් ඩොලර් 29.95 සිට ඩොලර් 59.95 දක්වා මිල ගණන් යටතේ ඇමසන් (Amazon) වෙබ් අඩවිය හරහා දැනටමත් පෙර ඇණවුම් කිරීමට අවස්ථාව ලැබෙනවා. ඔබත් ගිලර්මෝ ඩෙල් ටෝරෝගේ සිනමා නිර්මාණවලට ආස කෙනෙක් නම්, මේ අලුත් සංස්කරණය ඔබේ එකතුවට එකතු කරගන්න හොඳම අවස්ථාවක්.
Discussion & Feedback