මාර්වල් කොමික් ලෝකයේ රසිකයන්ව කම්පනයට පත් කරමින්, වසර ගණනාවක් පුරා රසික ආදරය දිනාගත් ප්‍රධාන පෙළේ සුපිරි වීරයෙක් වන බකී බාන්ස් (Bucky Barnes) මියගිය බවට වාර්තා වෙනවා. ඇවෙන්ජර්ස් කණ්ඩායමේ ප්‍රබල සාමාජිකයෙක් වුණ බකී, ලෝකයම තර්ජනයකට ලක්ව තිබූ අවස්ථාවක න්‍යෂ්ටික අවි සම්පූර්ණයෙන්ම අහෝසි කිරීමේ දැඩි තීරණයකට සහය පළ කළා. නමුත් මෙම ක්‍රියාවලිය අතරතුර සිදුවූ දරුණු න්‍යෂ්ටික පිපිරීමකට බකී හසුවීම නිසා ඔහුගේ ශරීරය සම්පූර්ණයෙන්ම විනාශ වී යන ආකාරය කොමික් කතාවේ දැකගන්න පුළුවන්.
බකී බාන්ස් මෙවැනි අවදානම් සහගත තීරණයක් ගත්තේ ඇයි කියන එක ගැන බොහෝ දෙනෙක් කතා වෙනවා. පසුගිය කාලයේ ඔහු මුහුණ දුන් විවිධ අත්දැකීම් සහ ලෝකයේ බලවතුන් අතට පත්වන විනාශකාරී ආයුධ නිසා ඇතිවන තර්ජන ගැන ඔහුට තිබුණේ දැඩි අවිශ්වාසයක්. වුල්වරින් වැනි අනෙකුත් වීරයන් මෙයට විරුද්ධ වුණත්, බකී විශ්වාස කළේ න්‍යෂ්ටික අවි පවතින තාක් කල් ලෝකයට සාමයක් නැති බවයි. කෙසේ වෙතත්, ඔහුගේ මෙම තීරණය අවසානයේ ඔහුගේ ජීවිතයම අහිමි කරගැනීමට හේතු වුණා.
මාර්වල් ලෝකයේ චරිත නැවත නැවතත් ජීවමාන වීමේ ප්‍රවණතාවක් තිබුණත්, මෙවර සිදුවූ මෙම මරණය රසිකයන්ට අමතක නොවන කම්පනයක් ලබා දී තිබෙනවා. විශේෂයෙන්ම බකීගේ ලෝහමය අත ගැලවී ගොස් ඔහුගේ ශරීරය විනාශ වන දර්ශනය ඉතාම සංවේදී එකක්. ඇවෙන්ජර්ස් කණ්ඩායමේ ඉතිහාසයට තවත් කළු පැල්ලමක් එක් කරමින් බකී බාන්ස්ගේ මෙම සමුගැනීම මේ වන විට ලෝකය පුරාම කතාබහට ලක්වෙමින් පවතිනවා.
Discussion & Feedback