හොලිවුඩ් සිනමාවේ ජනප්රිය රංගන ශිල්පිනියක වූ හේඩන් පැනටියර් වයස අවුරුදු 36 දී හදිසියේම මියයාම ලොව පුරා රසිකයන් කම්පනයට පත් කළ පුවතක් වුණා. ඇයගේ මරණයත් සමඟම ළමා වියේ සිටම කීර්තියේ හිනිපෙත්තේ සිටින තරු මුහුණ දෙන දැඩි මානසික පීඩනය සහ මත්ද්රව්යවලට ඇබ්බැහි වීමේ අවදානම ගැන නැවතත් ලොව පුරා කතාබහක් ඇති වී තිබෙනවා. හේඩන් ඇයගේ ජීවිත කතාවේ සඳහන් කර තිබුණේ, වයස අවුරුදු 16 දී රතු පලස මත ඇවිදීමට පෙර ඇයට ශක්තිය ලබා දෙන බව පවසමින් කණ්ඩායමේ අයෙකු ලබා දුන් පෙත්තක් ඇයව මත්ද්රව්යවලට ඇබ්බැහි වීමේ දොරටුව විවර කළ බවයි. මෙය ඇයගේ ජීවිතයේ විශාල කඩාවැටීමකට මුල පිරූ බව ඇය පවසා තිබුණා.
විශේෂඥයන් පෙන්වා දෙන්නේ ළමා තරු කුඩා කල සිටම වැඩිහිටියන් මුහුණ දෙන අභියෝග සහ පීඩනයන්ට ලක්වන බවයි. ඔවුන්ට අවශ්ය ඕනෑම මොහොතක මත්ද්රව්ය ලබා ගැනීමට පහසුකම් තිබුණත්, ඒවා ප්රතික්ෂේප කිරීමට අවශ්ය පරිණතභාවය හෝ ආරක්ෂාව ඔවුන්ට ලැබෙන්නේ නැහැ. හේඩන් පැනටියර් වැනි තරු නිරන්තරයෙන්ම මහජන අවධානයට ලක්වීම නිසා ඔවුන්ගේ පෞද්ගලික මානසික ගැටලු විසඳා ගැනීමට ඉඩක් ලැබෙන්නේ නැති බවයි විචාරකයන් පවසන්නේ. ඇයගේ මරණය සම්බන්ධයෙන් මේ වන විට ඇමරිකානු මත්ද්රව්ය බලාත්මක කිරීමේ ඒජන්සිය පරීක්ෂණ පවත්වන අතර, මෙය හොලිවුඩ් කර්මාන්තයේ අඳුරු පැත්ත ගැන ලෝකයටම ලබා දුන් තවත් එක් කනගාටුදායක පාඩමක් ලෙස හැඳින්විය හැකියි.
Discussion & Feedback