රජය විසින් යෝජනා කරලා තියෙන 22 වැනි ආණ්ඩුක්රම ව්යවස්ථා සංශෝධනයට එරෙහිව මේ වෙනකොට විපක්ෂයේ දේශපාලන පක්ෂ නායකයන් සහ සිවිල් සමාජ නියෝජිතයන් එකතු වෙලා විශේෂ ප්රකාශයකට අත්සන් තබා තිබෙනවා. ඔවුන් පෙන්වා දෙන්නේ මේ යෝජිත සංශෝධනය මගින් රටේ අධිකරණයේ ස්වාධීනත්වයට වගේම ප්රජාතන්ත්රවාදී ව්යුහයන්ට සහ පුරවැසියන්ගේ අයිතිවාසිකම්වලට විශාල තර්ජනයක් එල්ල වෙන බවයි. දශක අටකට ආසන්න කාලයක් තිස්සේ අපේ රටේ පවත්වාගෙන ආ නියෝජිත ප්රජාතන්ත්රවාදී ක්රමය පවා මේ සංශෝධනය නිසා අවදානමකට ලක්වෙන්න පුළුවන් කියලා ඔවුන් විශ්වාස කරනවා.
මේ විරෝධතාවය වෙනුවෙන් සාගර කාරියවසම්, දුමින්ද දිසානායක, සංජීව එදිරිමාන්න, දිලාන් පෙරේරා, රවී කරුණානායක, මුජිබර් රහුමාන්, අජිත් පී. පෙරේරා, දයාසිරි ජයසේකර, එම්.ඒ. සුමන්තිරන්, ජී.එල්. පීරිස්, රාජිත සේනාරත්න, නිමල් සිරිපාල ද සිල්වා, සමන් රත්නප්රිය, මෛත්රී ගුණරත්න, වජිර අබේවර්ධන සහ රවී කුමුදේශ් වැනි ප්රබල දේශපාලනඥයන් සහ සිවිල් ක්රියාකාරීන් රැසක් එකතු වෙලා ඉන්නවා. ප්රජාතන්ත්රවාදය ආරක්ෂා කරගැනීම වෙනුවෙන් සහ මේ යෝජිත සංශෝධනයට විරුද්ධව එකම හඬකින් කටයුතු කරන්න ඔවුන් මේ විදිහට එකමුතු වෙලා තියෙනවා. ඉදිරියේදී මේ සම්බන්ධයෙන් තවත් දැඩි තීරණ ගන්නා බවත් ඔවුන් වැඩිදුරටත් සඳහන් කරනවා.
Discussion & Feedback